स्थानीय तहबाट जनप्रतिनिधि तथा कर्मचारीहरुको क्षमता विकास सम्बन्धी माग गरिएकोमा बागमती प्रदेश अन्तर्गतका ११९ वटा स्थानीय तहहरु मध्येबाट २७ स्थानीय तहबाट वडास्तरको सेवा प्रवाहलाई प्रभावकारी बनाउने र पञ्जीकरण,सामाजिक सुरक्षा र वडाबाट गरिने सिफारिस सम्बन्धी वडा अध्यक्ष र वडा सचिवका लागि क्षमता विकास कार्यक्रमको माग भई आएको थियो ।उक्त माग बमोजिम वडा अध्यक्ष र वडा सचिव बीचमा रहेको जिम्मेवारी तथा अधिकारक्षेत्रहरुमा समान बुझाई कायम गर्ने उद्देश्यले २७ वटा गाउँपालिका वडा अध्यक्ष र वडा सचिवलाई ४ वटा समुहमा विभाजन गरी ३ दिने तालिम सञ्चालन गरियो । उक्त तालिमको सहजीकरण राष्ट्रिय परिचयपत्र तथा पञ्जीकरण विभाग र सो विषयसँग सम्बन्धित वाह्य विज्ञलाई परिचालन गरिएको थियो ।उक्त तालिममा १६ वटा गाउँपालिकाबाट जम्मा १३७ जना (११४ जना पुरुष र २३ जना महिला) को सहभागीता रहेको थियो । जसमा जनप्रतिनिधि ८७ जना र कर्मचारी ५० जना रहेका थिए । कार्यक्रम मिति २०८० पुष १८ देखि माघ २१ गते सम्म ४ वटा समुहमा सम्पन्न गरिएको थियो ।कार्यक्रमको उद्घघाटन यस केन्द्रका कार्यकारी निर्देशकले गर्नु भएको थियो ।