मिति: अगस्ट ०४ र ०५, २०२३
प्रदेश सुशासन केन्द्रका कर्मचारीहरुको प्रशासनिक तथा व्यवस्थापकीय कार्यदक्षतामा अभिवृद्धि भई प्रदेश तथा स्थानीय तहका जनप्रतिनिधि र कर्मचारीहरुका लागि सञ्चालन गरिने क्षमता विकासका कार्यक्रमका साथै दैनिक कार्यसम्पादन प्रभावकारीरुपमा सञ्चालन हुने अपेक्षाले यस केन्द्रमा कार्यरत निजामती कर्मचारी र PLGSP प्राविधिक टोली तर्फका कर्मचारीहरुको लागि २ दिने क्षमता विकास कार्यक्रम आयोजना गरिएको थियो । जसमा केन्द्रको सकारात्मक सोच र टिम विल्डिङ, वार्षिक व्यवसायीक योजना निर्माण (माईलस्टोन सहित), योजना तथा कार्यक्रमको अनुगमन तथा मूल्यांकन, कार्यालयको SOP र आर्थिक,प्रशासनिक तथा कार्यक्रमसँग सम्बन्धित विषयहरुमा अभ्यास तथा छलफल गरियो । कार्यक्रमको उद्घघाटन प्रसुकेका कार्यकारी निर्देशक श्री गोपाल कृष्ण न्यौपानेज्यूले गर्नु भएको थियो, प्रमुख अतिथिमा नेपाल सरकारका पूर्व सचिव श्री कृष्णहरी बास्कोटा हुनुहुन्थ्यो । कार्यक्रमको सहजीकरण र सुझाव PLGSP का राष्ट्रिय कार्यक्रम प्रबन्धक श्री बलराम रिजाल, पूर्व सचिव द्वय श्री कृष्णहरी वास्कोटा र श्री पूर्णचन्द्र भट्टराईले गर्नु भएको थियो । उक्त कार्यक्रममा प्रदेश सुशासन केन्द्रका जम्मा १८ जना कर्मचारीहरुको (पुरुष ०८ र महिला १०) सहभागिता रहेको थियो । कार्यक्रमका मुख्य उपलब्धीमा केन्द्रको माईलस्टोन सहितको चालु आर्थिक वर्षको व्यवसायीक योजनाको निर्माण भएको, कार्यक्रमका लागि चाहिने आर्थिक तथा प्रशासनिक कार्यमा एकरुपता ल्याउने उद्देश्यले विभिन्न फाराम तथा प्रस्तावना र प्रतिवेदनका ढाँचाहरुको निर्माण भएको छ ।
![PLGSP का राष्ट्रिय कार्यक्रम निर्देशक श्री बलराम रिजालसँग प्रदेश सुशासन केन्द्रका कर्मचारी](/sites/default/files/inline-images/pcgg-cd2.png)
![चित्र १. पूर्व नेपाल सरकारका सचिव श्री पूर्णचन्द्र भट्टराईद्वारा योजना, अनुगमन र मूल्यांकन सम्बन्धी सहजीकरण](/sites/default/files/inline-images/pgcc-cd1.png)